«Astana Opera» Uly Jeńistiń 70 jyldyǵyna oraı kontsertter legin ótkizedi

ASTANA. QazAqparat - Uly Jeńistiń 70 jyldyǵyna arnap «Astana Opera» teatry «Barlyq zamanǵa saı klassıka» atty qaıyrymdylyq kontsertter legin ótkizedi. Bul týraly «Astana Opera» teatrynyń baspasóz qyzmeti habarlady.

Mýzykalyq jobanyń alǵashqy sharasy - «Astana» ulttyq sýret galereıasynyń zalynda 30 qańtarda ótetin merekelik kontsert bolmaq.

Mereıtoılyq kontsertterdi ótkizý jóninde usynysty «Astana Opera» teatrynyń mýzykalyq jetekshisi Abzal Muhıtdınov jasady. «Osy aıryqsha oqıǵaǵa arnap jyl boıy 12 kontsert ótkizýdi josparlap otyrmyz. Kózdegen basty maqsatymyz - Otanymyzdy qorǵaǵan Uly Otan soǵysynyń ardagerlerine, tylda eńbek etkenderge jáne basqa da osy qýanyshqa bizben ortaqtasatyn jandarǵa klassıkalyq ónerdiń nárin sýsyndaýǵa múmkindik berý. Biz ázirlegen baǵdarlama áskerı taqyrypty qamtymaıdy, biz bıik ónerdi nasıhattaıtyn klassıkalyq mýzykany oryndaımyz. Áıtse de, týra Jeńis kúni - 9 mamyrda teatrda ardagerlerdiń qurmetine merekelik kontsert ótetinin aıta keteıin», - dedi maestro.

«Barlyq zamanǵa saı klassıka» atty kontsert baǵdarlamasynda V.A. Motsarttyń shyǵarmalarynan orkestrge, skrıpkaǵa jáne altqa arnalǵan mı-bemol major (kv364) kontserttik sımfonııasy, sondaı-aq arııalar, dýetter, qazaq, orys jáne batyseýropalyq kompozıtorlardyń operalarynan kórinis bar.

Keshte óner kórsetetin «Astana Opera» aspapshylary - Kırıll Krasıýkov (skrıpka), Igor Beloborodov (alt), sonymen qatar opera solısteri men «Astana Opera» teatrynyń sımfonııalyq orkestri. Dırıjer - Arman Orazǵalıev.

Kontsert 19 : 00 bastalady, kirý tegin.