«Astana Opera» teatrynyń jeke oryndaýshysy Nurjamal Úsenbaeva «Golden Europea» qurmet belgisine ıe boldy
ASTANA. 7 qarasha. QazAqparat - Qazaqstannyń halyq ártisi Nurjamal Úsenbaeva (soprano) Eýropalyq óner odaǵy tarapynan beriletin kórkemóner jáne mádenı qyzmet salasyndaǵy joǵary marapat - «Golden Europea» («Altyn Eýropa») ıelendi. Opera ánshisi 4 qarashada Pragada ótken qaıyrymdylyq gala-kontsertinde óner kórsetip, elge altyn músinshemen jáne dıplommen oraldy. Atalǵan marapatty dúnıe júzinde nebári 20 adam ıelengen. Bul týraly «Astana Opera» teatrynyń baspasóz qyzmetine silteme jasap astana.kz habarlady.
Saltanatty gala-kontsert pragalyq Rýdolfınýmde, jaman aýrýǵa shaldyqqan balalardy qoldaý, olardy zamanaýı tehnologııalarmen jabdyqtalǵan úzdik medıtsınalyq mekemelerde emdeý úshin qarjy jınaý maqsatynda uıymdastyryldy.
Sondaı-aq, Nurjamal Úsenbaeva ońtústik chehııalyq Kameralyq orkestrdiń súıemeldeýimen álemdik opera sahnasynyń juldyzy, barıton Fılıp Bandjakpen (Chehııa Respýblıkasy) birge óner kórsetti, dırıjeri - Petr Hromchak.
