«Astana Opera» teatrynyń solısi «Italııa Juldyzy» ordenimen marapattaldy
ASTANA. QazAqparat - 26 naýryz kúni «Astana Opera» teatrynyń jetekshi solısi, Qazaqstannyń eńbek sińirgen qaıratkeri Medet Shotabaev «Italııa Juldyzy» Ordeniniń kavaleri atandy. Bul sheteldikterge arnalǵan joǵary ıtalıandyq marapat. Onyń jarty ǵasyrdan astam tarıhy bar jáne Medet osy ýaqyttyń ishinde ánshi komandor dárejesine ıe bolǵan alǵashqy qazaqstandyq boldy.
Bul týraly «Astana Opera» teatrynyń baspasóz qyzmeti habarlaıdy.
Ártis úzdik álemdik sahnalarda basty partııalardy sátti oryndap keledi. Brazılııa, Frantsııa, Fınlıandııa, Rýmynııa syndy elderde óner kórsetti. Jaqynda ǵana solıst Bratıslavadan oraldy, ol Slovakııa ulttyq teatrynyń sahnasynda Dj.Verdıdiń «Travıata» operasynda Alfred partııasyn tamasha oryndady.
Solısti Italııamen kóp nárse baılanystyrady - Renata Tebaldı men Marıo del Monako atyndaǵy akademııada oqydy (Pezaro, Italııa), osy jerde ol Benıamıno Djılı atyndaǵy Halyqaralyq baıqaýdyń dıplomanty atandy (Porto-Rekanatı, Italııa, 2008). Kórermen qaýym qazaqstandyq tenor Medet Shotabevty jaqsy kóredi, ıtalıandyqtar kóshede tanyp, qoltańbasyn suraıdy, otbasymen birge onyń óner kórsetýlerine barady.
«Osynaý joǵary marapattyń berilgenin bilý men úshin kútpegen jaǵdaı boldy. Erekshe qýanyshty sezimdemin, sebebi eńbegim elenip, baǵalandy. Osy jyldary jasaǵan jumysym esh ketpegenine qýanyshtymyn. Italııada kóp óner kórsetemin jáne bul elde ózimdi erkin sezinemin. Italııa Elshiliginiń kontsertterge qatysý týraly shaqyrtýlaryn árdaıym zor qýanyshpen qabyl alamyn. Jaqynda ıtalıandyq áriptesterimizben birge Astana men Almatyda mýzykalyq kesh ótkizdik, olar skrıpka, alt, fortepıanoda sheberlikpen oınady, biraq áserlisi - mandolınadaǵy óner kórsetý boldy. Bul aspaptyń vokalmen birge dybystalýy ǵajap áser beredi, tyńdarman ózderin Italııada júrgendeı sezindi. Italııa Elshiligi uıymdastyratyn jobalardy qýana qoldaımyn, menińshe, bul da qos el arasyndaǵy eki jaqty qarym-qatynasty nyǵaıtady», - dep atap ótti Qazaqstannyń eńbek sińirgen qaıratkeri Medet Shotabaev.
Orden shetelde turatyn Italııa azamattary men sheteldikterge Italııa men ózge elderdiń arasyndaǵy yntymaqtastyq pen dostyq qarym-qatynastardy damytýdaǵy eren eńbegi úshin tabys etiledi. Marapatty Syrtqy ister mınıstriniń Orden keńesimen birlesken sheshiminen keıin Italııa Prezıdenti taǵaıyndaıdy.
Sonymen qatar, osy jyly Italııa Respýblıkasynyń Prezıdenti Lıýchııa Beltramı hanymdy (Almaty qalasyndaǵy ıtalıan tilinen sabaq beretin ýnıversıtet ustazy), Djankarlo Olıverı myrzany (kásipker ári Aqsaıdaǵy burynǵy Italııa Mártebeli Vıtse-Konsýly) marapattady.
Buryn osynaý joǵary marapatqa Vladımır Spıvakov, ıÝrıı Temırkanov, Lev Dodın, Ksenııa Rappoport syndy álemge áıgili tulǵalar ıe bolǵan edi.
