«Astana Opera» teatrynyń shyǵarmashylyq ujymyn irikteý qyrkúıekte ótedi
ASTANA. 18 maýsym. QazAqparat - «Astana Opera» teatrynyń shyǵarmashylyq ujymyn irikteý baıqaýy aǵymdaǵy jyldyń qyrkúıek aıynda ótedi.
Bul týraly búgin QR Úkimetiniń otyrysynda Mádenıet jáne aqparat mınıstri Muhtar Qul-Muhammed aıtty.
Mınıstrdiń atap ótýinshe, teatrdyń shyǵarmashylyq ujymyn irikteý úshin quramyna otandyq jáne sheteldik mamandar engen arnaıy baıqaý komıssııasy quryldy. Aǵymdaǵy jyldyń 3 sáýiri men 31 mamyry aralyǵynda baıqaýdyń aldyn ala kezeńi ótken. Al negizgi kezeńi qyrkúıek aıynda uıymdastyrylady. Al oǵan deıin, naqty aıtqanda, shilde aıynda baıqaý týraly aqparat respýblıkalyq BAQ-ta jarııa etiledi ján ótinimder 2 aı boıy qabyldanady.
«Tolyqtaı alǵanda, biz álemdik sanattaǵy teatrdy qurýdy maqsat tutyp otyrmyz. Sondyqtan da kelisimshart negizindegi yntymaqtastyqqa teatr óneriniń tanymal top-menedjerleri, álemdik aýqymdaǵy juldyzdar shaqyrylatyn bolady. Qazirdiń ózinde úzdik eýropalyq teatrlarmen tájirıbe almasý boıynsha ýaǵdalastyq bar», - dedi mınıstr.
