«Astana Opera» teatrynyń alǵashqy gastroli Almatyda ótedi
ASTANA. 10 qańtar. QazAqparat - 2014 jyldyń 4 jáne 10 aqpan aralyǵynda Almatyda «Astana Opera» teatrynyń gastroli ótedi. Bul týraly teatrdyń baspasóz qyzmeti habarlady.
Almatylyq kórermen astanalyq teatrdyń úzdik qoıylymdaryn Abaı atyndaǵy MAOBT sahnasynda jeti kún tamashalaı alady. Gastroldik baǵdarlamanyń birinshi kúni - tórtinshi aqpanda Reseıdiń halyq ártisi ıÝrıı Aleksandrovtyń qoıylymyndaǵy qazaq operasynyń marjany - «Birjan-Sara» usynylady. Kórnekti kompozıtor Sergeı Prokofevtiń «Petıa men qasqyr» sımfonııalyq ertegisi jas kórermendi besinshi aqpanda saǵat 12:00-de qýantady. Osy kúni keshki 19:00-de «Astana Opera» teatrynyń Sımfonııalyq orkestri kontsert beredi. Altynshy aqpanda kópshilik nazaryna Gala-kontsert usynylmaqshy. Hor ónerin súıer qaýym QR eńbek sińirgen qaıratkeri Erjan Dáýitov jetekshilik etetin «Astana Opera» kameralyq horynyń kontsertin jetinshi aqpanda tamashalaı alady. Toǵyzynshy aqpanda kameralyq zalda Kameralyq mýzykadan kontsert ótedi.
«Astana Opera» teatrynyń balettik trýppasy balet súıer qaýym úshin álemdik horeografııanyń marjandary: frantsýzdyń qoıýshy horeografy Sharl Jıýdtiń qoıylymyndaǵy «Romeo men Djýletta» baletin 8 aqpanda alyp barady. «Astana Opera» teatry gastroliniń afıshasyndaǵy spektaklder tizimin kórermen nazaryna aǵymdaǵy jyldyń onynshy aqpanynda usynylatyn, Reseıdiń halyq ártisi Borıs Eıfmannyń qoıylymyndaǵy«Roden» baleti túıindeıdi.
Gastroldiń bastalýyna bir aıdan az ýaqyt qaldy, «Astana Opera» teatrynyń dırektory Tólegen Muhamedjanov gastroldik jospardyń bekitilip, endigi atalǵan qoıylymdarǵa teatr trýppasy qyzý daıyndalyp jatqanyn atap ótti. «Biz úshin bul sapar synaqpen teń, sebebi aldynda Qazaqstanmen qatar shetelde ótetin úlken gastrolder turǵan «Astana Opera» teatry úshin bul alǵashqy qadam», - deıdi T.Muhamedjanov.
