«Astana Opera» teatrynyń álemdik premerasy qazan aıynda bolady
ASTANA. 18 maýsym. QazAqparat - «Astana Opera» teatrynyń álemdik premerasy qazan aıynda ótedi.
Bul týraly búgin Úkimet otyrysynda QR Mádenıet jáne aqparat mınıstri Muhtar Qul-Muhammed málim etti.
«Teatrdyń álemdik premerasy qazan aıynda ótedi. Ol qazaqstandyq sahnada alǵash ret qoıylatyn Dj.Verdıdiń «Attıla» operasymen ashylady», - dedi mınıstr.
Degenmen, M. Qul-Muhammedtiń atap ótýinshe, teatrdyń ashylý saltanaty odan erterek, 21 maýsymda bolady. Muqan Tólebaevtyń «Birjan men Sara» klassıkalyq ulttyq operasyn qoıý kózdelgen.
«Elorda kúnin merekeleý aıasynda 3 shildede ıÝrıı Grıgorovıchtiń qoıylymyndaǵy P. Chaıkovskııdiń «Uıqydaǵy arý» baleti ótedi»,-dedi mınıstr.
