«Astana Opera» teatrynda «Jańǵaq shaqqysh» baletiniń tusaýkeseri ótedi
ASTANA. QazAqparat - Zamanymyzdyń asa kórnekti horeografy ıÝrıı Grıgorovıch «Astana Opera» tórinde «Jańǵaq shaqqysh» baletin qoıady.
Qııalǵa toly spektakldiń tusaýkeseri teatrdyń bas sahnasynda jeltoqsannyń 25, 27, 28 jáne 31 juldyzynda ótedi. Bul týraly «Astana Opera» teatrynyń baspasóz qyzmeti habarlady.
Qoıylymǵa qatysatyn «Astana Opera» baletiniń solısteri: Marı - Mádına Baspaeva, Áıgerim Beketaeva, Ánel Rústemova, Gaýhar Ýsına, Jańǵaq shaqqysh-Hanzada - Baqtııar Adamjan, Dosjan Tabyldy, Taıyr Gataýov, Erkin Rahmetollaev.
«Jańǵaq shaqqysh» baleti - bul adam janynyń qalaı eseıetini, mahabbat sezimi keýdeńe uıa salatyny jaıly poezııalyq áńgime. Bas keıipkermen birge kórermen de Jańǵaq shaqqysh-qýyrshaqtyń kúlkili kelbeti meıirimdi batyl júrek ıesin jasyratynyn, al qýyrshaqqa degen mahabbat pen janashyrlyq bas keıipker úshin ǵajap Hanzadamen kezdesýge aınalatynyn túsine bastaıdy. Qoıýshy horeograf ıÝrıı Grıgorovıch Chaıkovskııdiń tamasha mýzykasynan tek baqyttyń úılesimdigin ǵana emes, kompozıtorǵa, onyń partıtýrasyna tutastaı senim arta otyryp, súıikti ertegiden minsiz baqytqa qol jetkizý múmkin emestigi jaıly fılosofııalyq oıdy da kóre bildi.
Dúnıeniń ǵajaby bizdiń aınalamyzda ekenin kúndelikti ómirde baıqaı bermeımiz.
- Atalǵan ertegi bizdi basqa álemge áketip, bas keıipkerge azyq bolǵan úmit áıtse de aqtalatynyna eriksiz sendiredi. Bul ásirese ekinshi aktta, bal kórinisinde erekshe baıqalady, - deıdi «Astana Opera» baletiniń kórkemdik jetekshisi Tursynbek Nurqalıev.
«ıÝrıı Grıgorovıchtiń spektakli horeografııalyq tiliniń kúrdeliligimen erekshelenedi, bul taza klassıka. «Jańǵaq shaqqysh» baletin oryndaýdy barlyq solıst armandaıdy. Bas keıipkerdiń balalyq shaqtan birden boıjetý kezeńine ótýi balerınadan úlken sheberlikti talap etedi. Ártisterimizdiń bar nazary osy spektaklde, olar repetıtsııa jasap, kórermenmen qaýyshatyn kúndi kútip júr» - dep sózin tolyqtyrdy balettiń kórkemdik jetekshisi.
