«Astana Opera» teatrynda «Jańajyldyq serpantın» atty kontsert ótedi
ASTANA. 11 qańtar. QazAqparat - 13 qańtarda «Astana Opera» teatrynyń kameralyq zalynda eski Jańa jylǵa oraılastyrylǵan «Jańajyldyq serpantın» atty kontsert ótedi.
Teatr baspasóz qyzmetiniń habarlaýynsha, kontsertke «Astana Opera» teatrynyń solısteri, QR eńbek sińirgen qaıratkerleri: Janat Shybyqpaev, Aıgúl Nııazova, Súndet Baıǵojın, Dına Hamzına, Gúlzat Dáýirbaeva, Jamılıa Jarqymbaeva, Margarıta Dvoretskaıa jáne ataqty barıton Azamat Jyltyrkózov, QR eńbek sińirgen ártisteri: Janat Baqtaı, Ǵalııa Baıǵazınova, Halyqaralyq konkýrstardyń laýreattary: Beıimbet Tańaryqov, Eskendir Ábjanov, Saltanat Ahmetova, Jupar Ǵabdýllına, Elena Ganja qatysady.
Kesh barysynda kórermen nazaryna qazaqtyń, orystyń, ıspandyq halyq ánderi, frantsýzdyq shanson, M. Dýnaevskııdiń, I. Shtraýstyń, J. Offenbahtyń operettasynan úzindiler usynylady.
