«Astana Opera» teatrynda «Tatıana kúnine» arnalǵan kontsert ótedi
ASTANA. 24 qańtar. QazAqparat - Erteń «Astana Opera» teatrynyń kameralyq zalynda «Tatıana kúni» atty merekelik kontsert bolady, dep habarlady mádenıet oshaǵynyń baspasóz qyzmetinen.
Kontsertte P. Chaıkovskııdiń «Evgenıı Onegın» operasynan lırıkalyq kórinister usynylady. Shamaly qysqartylǵan operanyń jartylaı kontserttik nusqasy roıaldiń súıemeldeýimen oryndalady.
Kópshilik jaqsy biletin Pýshkınniń «Evgenıı Onegın» shyǵarmasynyń jelisi Konstantın Shılovskııdiń lıbrettosyna negiz bolǵan. Onegınniń kelýi pomeşıkter otbasy Larınderdiń tynyshyn buzady. Olganyń kúıeý jigiti Lenskıı, qalyńdyǵyna kóz sala bastaǵan dosy Evgenıı Onegınniń jeńiltektiginen jekpe-jek kezinde mert bolady. Tatıananyń sezimin bildirgen hatyna teris jaýap qatqan Onegın baıqaýsyzda óz qylyǵymen qyzdyń súımeıtin adamǵa qosylýyna sebepshi bolady. Dramanyń máni bas keıipkerdiń Tatıana Larınany súıetinin tym kesh túsinetindiginde. Aqyrynda Evgenıı jalǵyz qalady.
«Kórermendi operanyń teatrlanǵan kontserti: kostıýmder, tapanshalar, jekpe-jek, jazdan kórinis: masa, shamnyń jaryǵymen kitap oqyǵan Tatıana jáne taǵy basqa da qyzyqty sátter kútip tur. Bir sózben aıtqanda, spektakldiń ózindik ereksheligi saqtalady», - deıdi «Astana Opera» teatrynyń mýzykalyq jetekshisi Abzal Muhıtdınov.
