«Astana Opera» teatrynda «Spartak» baletiniń premerasy bolady
ASTANA. QazAqparat - «Astana Opera» teatrynda A. Hachatýrıannyń mýzykasyna jazylǵan «Spartak» baletiniń tusaýkeseri bolmaqshy.
Kezinde Leonıd ıAkobsonnyń (1956), odan keıin Igor Moıseevtiń (1958) redaktsııasyndaǵy umyt qalǵan qoıylym talantty sheber ıesi ıÝrıı Grıgorovıchtiń (1968) nusqasymen almasyp, 6, 8, 10 maýsymda elorda kórermenderiniń nazaryna usynylady. Tolyǵymen Úlken teatrdan ákelingen qoıylym qushtarlyqtyń, epostyq shabyttyń, bıdiń alýan-túrli formasyn pash etedi, dep habarlaıdy «Astana Opera» teatrynyń baspasóz qyzmeti.
Balet-epopeıa rýh erkindigin dáriptep, quldyraı bastaǵan rım qoǵamyn beıneleıdi. Al ondaǵy shynaıy ólimdi, azapty, qantógisti jetkizetin gladıatorlardyń áserli shaıqasy, kýrtızanka qyzdardyń erkin bıi qoıylymdy ózge birsaryndy 20 nusqanyń ishindegi biregeıi etedi.
Oqıǵa jelisi kórermenge zulym Krass basqarǵan ımperator áleminiń áskerı mashınasy beıbit ómirdi qalaı qıratatynyn baıandaıdy. Ol ondaǵan myń adamdy tutqynǵa alady, solardyń ishinde Spartak pen Frıgııa da bar edi. Birge bolý úshin qos ǵashyqqa talaı synnan ótýge týra keledi. Halyqqa, mahabbatqa degen senim jáne dosynyń oılanbaı shaıqasqa shyǵyp, qapyda qaza tabýy Spartakty ashyndyryp, kóteriliske ıtermeleıdi. Krassqa qarsy boı kótergen quldar jetekshisiniń keń peıildiligi aınalyp kelip, ózine zııanyn tıgizedi. Jeńilis tapqan rımdik qolbasshy ońaılyqpen berile qoımaı, qaıta oralyp, kúshi teń emes shaıqasta Spartak pen onyń dostaryn óltirip ketedi. Sońǵy kóriniste Frıgııanyń ǵashyǵynyń máıitine kelip, ony joqtap jylaýy, erliginiń máńgi ólmeıtinine degen senimi qoıylymdy odan beter tragedııaly ete túsedi.
«Astana Opera» baletiniń kórkemdik jetekshisi Tursynbek Nurqalıev, ıÝrıı Grıgorovıch qoıǵan «Spartak» baleti búgingi kúni álemdik klassıkanyń jaýhary retinde moıyndalǵanyn atap ótti. «Bizdiń ártisterimiz mundaı úlken kólemdegi balettik mátindi birinshi ret oryndaǵaly tur. Úsh akttan turatyn aýqymdy qoıylymǵa kordebalettegi barlyq jigitter qatysady»,-deıdi ol.
Bas partııany oryndaıtyndar - Dosjan Tabyldy, Baqtııar Adamjan, Krass - QR Eńbek sińirgen qaıratkeri Serjan Káýikov, QR Eńbek sińirgen qaıratkeri Taıyr Gataýov, Frıgııa - QR Eńbek sińirgen qaıratkeri Mádına Baspaeva, Ánel Rústemova, Egına - Áıgerim Beketaeva, QR Eńbek sińirgen qaıratkeri Gaýhar Ýsına, Ásel Sháıkenova. Qoıýshy dırıjerlar: Armenııa Respýblıkasynyń Eńbek sińirgen óner qaıratkeri Karen Dýrgarıan (Marıınskıı teatry).
