«Astana Opera» teatrynda ótetin kontsertte kórermender «Mysyqtar» dýetin tamashalaı alady
ASTANA. QazAqparat - Búgin «Astana Opera» teatrynyń Kameralyq zalynda «Parata dei Soprani» kontserti ótedi, dep habarlaıdy atalǵan óner ordasynyń baspasóz qyzmeti.
Kontsert «Sopranolar sherýi» dep atalady. Tyńdarman tamasha áıelder daýysynyń san alýan vokaldyq naqyshyn: kúmis daýysty koloratýralyq sopranodan bastap, tereń metstsoǵa deıin tamashalaı alady. «Astana Opera» ánshileriniń oryndaýynda eń tanymal arııalar men operattalar, valster men romanstar shyrqalyp, kórermendi mýzykalyq tosynsyı kútedi: olar qyzyqty dýetterdi tamashalaı alady, solardyń biri - Ǵalııa Baıgazınova men Tatıana Vıtsınskaıa oryndaıtyn «Mysyqtar» dýeti.
Kópshiliktiń aldyna shyǵatyn barlyq oryndaýshynyń ártistik sheberligi asqan, júrekti qozǵaıtyn ánshiler, degenmen olardyń árqaısysy ózinshe dara», - deıdi mýzykatanýshy Marjan Jákenova.
