«Astana Opera» teatrynda Otan qorǵaýshylar kúnine oraı kontsert ótedi

ASTANA. QazAqparat - Astanada Otan qorǵaýshylar kúnine oraı Qazaqstan Respýblıkasy Qorǵanys mınıstrliginiń kontserti ótedi. Bul týraly QR QM Tárbıe jumystary departamentinen habarlady, dep jazady elorda ákimdiginiń resmı saıtynda.

Teatr sahnasynda álemge áıgili ıtalıandyq tenor Marselo Alvares, Aleksandrov atyndaǵy Reseı armııasynyń akademııalyq án-bı ansambli, «Astana Opera» sımfonııalyq orkestri, sondaı-aq QR Qorǵanys mınıstrliginiń ortalyq ansambli óner kórsetedi. Merekelik sharaǵa Memleket basshysy N.Nazarbaev, QR Úkimetiniń músheleri, QR Parlamentiniń depýtattary, UOS ardagerleri jáne QR Qarýly kúshteriniń ardagerleri qatysady dep kútilýde. Aıta keteıik, kontsertke kelýshilerdi QR QM ortalyq áskerı orkestri qarsy alady. Shara barysynda patrıottyq ánder, ıtalıandyq jáne qazaq kompozıtorlarynyń klassıkalyq shyǵarmalary oryndalady. Sonymen qatar teatr foıesinde elimizdiń qarýly kúshteri týraly fotokórme uıymdastyrylady.