«Astana Opera» teatrynda Kameralyq orkestr men aspapty ansambldiń tusaýkeseri ótedi
ASTANA. 12 qarasha. QazAqparat - 20 qarashada «Astana Opera» teatrynda Kameralyq orkestr men aspapty ansambldiń tusaýkeser-kontserti ótedi.
Bul týraly teatrdyń baspasóz qyzmetine silteme jasap astana.kz habarlady. Kesh baǵdarlamasynda V. Motsart, K.M. Veber, E. Grıga, I. Shtraýs, N. Rımskıı-Korsakov, F. Pýlenka, A. Pıatstsolla, A. Fedıanın, A.Ilınskııdiń jáne t.b. shyǵarmalary oryndalady. Kontsertke Bıze-Şedrınniń «Karmen-sıýıtasy» arqaý bolady.
Teatr bul shyǵarmamen 2 jarqyn da jas ujymnyń, «Astana Opera» teatrynyń kameralyq orkestri men soqpaly aspaptar ansambliniń tusaýyn kesedi. Bıze-Şedrınniń «Karmen-sıýıtasy» - Qazaqstanda aıtarlyqtaı sırek oryndalatyn týyndy, ishekti jáne soqpaly aspaptardyń erekshe serpinmen teńdesýin jáne oryndalý ásemdiginiń úılesimdiligin talap etetin tamasha sezimtal mýzyka.
Kontserttiń ekinshi jartysynda kameralyq ansamblder tyńdarmandy sımfonııalyq orkestrdiń aspaptarymen jaqynyraq tanystyrady, dýetter, trıo, kvartetter, kvıntetter, vıolonchelshiler ansambli, valtorn horynyń oryndaýynda jaǵymdy tosyn syılar jasalady.
Kontserttiń dırıjeri ári júrgizýshisi - Qazaqstan Respýblıkasynyń Eńbek sińirgen qaıratkeri Abzal Muhıtdınov.
