«Astana Opera» teatrymen birge ónerge jaqyndaı túsińiz
ASTANA. 5 qazan. QazAqparat - 2013 jyldyń 9 qazanynda «ASTANA OPERA» teatrynyń kameralyq zalynda joǵary ónerdi súıer qaýym úshin «Astana Opera usynady» («New age of classics») atty abonementter toptamasynyń aıasynda ǵajaıyp klassıkalyq mýzykadan «№1 kontsert» ótedi, dep habarlaıdy "Astana Opera" Memlekettik opera jáne balet teatrynyń baspasóz qyzmetinen.
Operanyń úzdik ánshileri jaqynda ǵana esigin ashqan zalda óner kórsetedi. Kontsertke qatysatyn belgili opera solıstteri: Jannat Baqtaı, Aıgúl Nııazova, Álfııa Kárimova, Gúlzat Daýyrbaeva, Dına Hamzına, Janat Shybyqpaev, Talǵat Musabaev, Baıǵalı Mombekov, Margarıta Dvoretskaıa. Kontsert baǵdarlamasynda 27 jasynda QazUÓÝ «Vokaldyq óner jáne horǵa dırıjerlyq etý» kafedrasynyń meńgerýshisi atanǵan, ataqty barıton Azamat Jyltyrkózov jáne basqalary án shyrqaıdy.
«Elimizdiń ulttyq dáýleti munaı men altyn ǵana emes, birinshi kezekte, bul tamasha daýysty ıelengen daryndarymyz. Ulttyq maqtanyshymyz - bul Qazaqstannyń úzdik daýystary», - ekenin «ASTANA OPERA» teatry operalyq trýppasynyń kórkemdik jetekshisi, Tatarstan Respýblıkasynyń Eńbek sińirgen óner qaıratkeri Gıýzel Haıbýlına atap ótti.
Keshte V. A. Motsart, R. Vagner, A. Boıto, Dj. Verdı, Dj. Rossını, J. Massne, P. Chaıkovskıı jáne basqalarynyń shyǵarmalary shyrqalady.
Bıletter tek «ASTANA OPERA» teatrynyń kassasynda, baǵasy - 1500 tg. Bastalýy - 19:00.
