«Astana Opera» teatry shymyldyǵynyń «Birjan men Sara» operasymen ashylýy ulttyq ónerge zor qurmet pen erekshe yqylas - N.Nazarbaev
ASTANA. 21 maýsym. QazAqparat - «Astana Opera» teatry shymyldyǵynyń «Birjan men Sara» operasymen ashylýy ulttyq ónerge zor qurmet pen erekshe yqylastyń belgisi.
Búgin elordada «Astana Opera» memlekettik opera jáne balet teatrynyń ashylý saltanatynda Elbasy Nursultan Nazarbaev osylaı málim etti.
Aǵymdaǵy jyly ult óneriniń maqtanyshy Muqan Tólebaevtyń 100 jyldyq mereıtoıy ekendigin basa aıtqan Memleket basshysy: «Tetrdyń shymyldyǵy áıgili kompozıtordyń «Birjan men Sara» operasymen ashylýynyń máni bar. Ulttyq ónerge zor qurmet pen erekshe yqylastyń belgisi, uly kompozıtorǵa degen halqynyń kóńili bolyp sanalady», - dedi.
Sonymen qatar QR Prezıdenti jańa teatrdyń álemdik tanystyrylymy qazan aıynda ótip, tuńǵysh ret qazaq jerinde qoıylatyn Dj. Verdıdiń «Attıla» operasymen ashylatyndyǵyn atap ótti. «Dúnıejúzindegi opera mamandarynyń kópshiligi osy zalǵa jınalatyn bolady. Barlyq spektaklderge otandyq opera jáne balet óneriniń maıtalmandary, ásirese jas býyn ókilderi túgel tartylatyn bolady», - dedi Memleket basshysy.
