«Astana opera» teatry opera jáne balet juldyzdarynyń jeke buıymdaryn kórmege qoıdy
ASTANA. QazAqparat - «Astana opera» teatry elorda turǵyndary men qonaqtaryn XX ǵasyrǵa sapar shegýge shaqyrady, dep jazady astana.kz.
Onda Muhtar Áýezovtyń lıbrettosyn tyńdap, Ahmet Jubanov, Evgenıı Brýsılovskıı, Muqan Tólebaev, Kúlásh Baıseıitova syndy qazaq óneriniń damýyna eleýli úles qosqan tanymal tulǵalardyń paıdalanǵan buıymdary men sahnalyq kostıýmderin kóre alasyz. Uıymdastyrýshylardyń sózine súıensek, bul qundy zattar az ýaqytta jınalǵan.
Kenjeǵalı Myrjyqbaı, QR Eńbek sińirgen ártisi, opera ánshisi:
«Bir baıqaǵanym, Káýken Kenjetaevtyń kostıými joq eken. Bul endi bastama ǵana. Endi árbir ánshi, bıshilerimizdiń kostıýmderin jınap, urpaqtan-urpaqqa jetkizip otyrsaq deımin».
«Sahna shejiresi» dep atalatyn kórmege opera jáne balet juldyzdary, qylqalam sheberleriniń 21 sahnalyq kostıými qoıylǵan. Sondaı-aq, baǵaly 11 kartına, 1000-nan astam fotosýret te kórme kórkin kirgizgen.
Aprıza Qusaıynqyzy, Memlekettik «Astana Opera» opera jáne balet teatry murajaıynyń meńgerýshisi:
«Tizim qurǵanda «negizin salǵan kimder, qazir kimder jumys isteıdi» dep 100-den astam adamnyń tizimin jasadyq. Olardyń bárin jınaýymyz kerek. Qazir 21 kostıým jınadyq. Almatydaǵy Abaı atyndaǵy opera jáne balet teatryna bardyq».
Ǵazıza Jubanova, Lıtıf Hamıdı, Erkeǵalı Rahmadıev, Roza Baǵlanova, Asanáli Áshimov, Bıbigúl Tólegenova, Nurjamal Úsenbaeva syndy óner sańlaqtarynyń óneri men ómirinen syr shertetin kórme shildege deıin jalǵasady. Uıymdastyrýshylar aldaǵy ýaqytta aýqymyn keńeıtip, jańa eksponattarmen tolyqtyrýdy josparlap otyr.
