«Astana Opera» teatry qoıylymdarynyń bılet quny 500 teńgeden bastalady - mınıstr
ASTANA. 18 maýsym. QazAqparat - «Astana Opera» teatry qoıylymdarynyń bılet quny 500 teńgeden bastalady.
Bul týraly búgin QR Úkimetiniń otyrysynan keıin Mádenıet jáne aqparat mınıstri Muhtar Qul-Muhammed aıtty.
«Biz stýdentterge 500 teńgeden, jalpy ortasha 1000-1500 teńge bolady dep oılastyryp otyrmyz. Árıne, aıryqsha oryndar da bar, biraq olar baılarǵa arnalǵan», - dedi ol.
Esterińizge sala keteıik, elordadaǵy jańa «Astana Opera» teatry 21 maýsymda Muqan Tólebaevtyń «Birjan men Sara» klassıkalyq ulttyq operasymen saltanatty túrde ashylady. Al teatrdyń álemdik premerasy qazan aıynda ótedi. Onda qazaqstandyq sahnada alǵash ret Dj.Verdıdiń «Attıla» operasy qoıylatyn bolady.
