«Astana Opera» teatry Insta-blogerler nazarynda
ASTANA. QazAqparat - Qazaqstannyń tanymal Insta-blogerleri 20 jeltoqsanda Empty jobasy aıasynda «Astana Opera» teatryna tamashalaıdy, dep habarlady teatrdyń baspasóz qyzmetinen.
Bul estafetany elordalyq teatr atalǵan aktsııany uıymdastyra bilgen The Metropolitan Museum of Art, Kopengagendegi memlekettik óner murajaıy, Londondaǵy «Royal Opera House» jáne Reseıdegi Úlken teatrdan qabyl aldy. Sharanyń maqsaty - Idea Hub qoǵamdastyǵyna birikken 15 Instagram qoldanýshysy teatrdyń Basty, Mármár jáne Kameralyq zaldarynan qyzyqty fotolar túsirip, #EmptyAstanaOpera heshtegimen jarııa etý.
Anyqtama: Empty qozǵalysy Nıý-Iorkte Deıv Krýgman (Dave Krugman) esimdi ınstagramerdiń bastamasymen dúnıege kelgen, ol birneshe ózge paıdalanýshyny Nıý-Iorktegi Metropolıten murajaıynda jumys ýaqytynan tys, onda eshkim bolmaǵan kezde jabyq túrde ótken kezdesýge shaqyrady. Sharaǵa qatysqandar keıin Instagram betterinde ataqty murajaıdyń jańa jáne erekshe qyrynan túsirilgen fotolaryn #emptymet heshtegimen jarııa etedi. #Emptymet jobasynyń sátti júzege asqany sonshalyqty, qazir bul qozǵalys búkil álemge tarap, kóptegen kompanııalar Instagram fotoǵa túsirýshilerdi jumystan tys ýaqytta qýana qarsy alady.
