«Astana Opera» teatry daryndy órenderdi qabyldaýǵa konkýrs jarııalaıdy
ASTANA. QazAqparat - «Astana Opera» teatry balalar stýdııasyna jas daryndardy qabyldaýǵa baıqaýtúks jarııalaıdy. Qujattar qabyldaý tamyzdyń 1-nen 30-na deıin júrgiziledi.
Bul týraly teatr saıtynda habarlanǵan. Konkýrstyq tyńdaý bıylǵy 6-7 qyrkúıek aralyǵynda ótkiziledi. Opera stýdııasyna (hor, orkestr) úmitkerlerdiń jas mólsheri 7-16 jas, balet stýdııasyna úmitkerlerdiń jas mólsheri 8-10 jas aralyǵynda. Oqý aqyly negizde, aıyna 10 000 teńge, bir otbasynan eki bala ótken jaǵdaıda, ekinshi balaǵa oqýdyń qunyn tóleýde 50% mólsherinde jeńildik qarastyrylǵan. Shart 2015 jylǵy 31 shildege deıin jasalady. Konkýrs sharttary týraly www.astanaopera.kz saıtynda tanysa alasyzdar. 2 qyrkúıekte úsh baǵyt - balalar hory, balalar orkestri, balalar baleti boıynsha konkýrstyq tyńdaýǵa ótken qatysýshylardyń tizimi jarııalanatyn bolady. Aıta keteıik, teatrdyń balalar stýdııasy óz jumysyn 2013 jylǵy qarashada bastady. Ótken maýsymda 5-16 jas aralyǵyndaǵy 150-ge jýyq balalar men jasóspirimder opera, balet, aspaptar ansambli baǵyty boıynsha óner kórsetti. Stýdııadaǵy sabaqtar tek qana oqýdy emes, sonymen qatar «Astana Opera» teatrynyń aǵymdyq repertýaryndaǵy spektaklderge qatysý jumystaryn qamtydy. Balalardan quralǵan kásibı ujymdar mýzykalyq ertegilerdi oryndap, kontsertterge, operalyq jáne balet spektaklderine qatysady. Jas ártister birneshe ret «Astana Operanyń» kameralyq zalynyń sahnasynda ataqty qazaqstandyq qaıratkerlermen, sondaı-aq jeke kontsertterinde óner kórsetti, Dj. Pýchchınıdiń «Bogema», «Toska» operalaryna, Mınkýstyń «Don Kıhot» baletine qatysty.
