«Astana Opera» teatry barokko dáýiriniń operalyq jaýharlaryn usynady
ASTANA. QazAqparat - «Astana Operanyń» jetekshi solısteri, Qazaqstannyń Eńbek sińirgen qaıratkeri Abzal Muhıtdınovtiń jetekshiligimen Kameralyq orkestr jáne Qazaqstannyń Eńbek sińirgen qaıratkeri Erjan Dáýitovtyń basqarýyndaǵy hor tyńdaýshylar nazaryna barokko dáýiriniń operalyq jaýharlaryn usynady, dep habarlaıdy QazAqparat teatrdyń baspasóz qyzmetine silteme jasap
Keshke tanymal vokalıster, Qazaqstannyń eńbek sińirgen qaıratkerleri Aıgúl Nııazova, Jámılıa Jarqymbaeva, Bıbigúl Januzaq, Jan Tapın, halyqaralyq baıqaýlardyń laýreattary Tatıana Vıtsınskaıa, Erjan Saıpov, Batyrjan Smaqov qatysady. Olarmen birge keremet aspapshy mýzykanttar - halyqaralyq baıqaýlardyń laýreattary Ánel Shákirova, Damılıa Mahpırova, Rahmatalı Bekbabaev (goboı), Áset Neldibaev (fagot), Alekseı Kosyrev (fleıta) óner kórsetedi.
Kóne mýzyka jaýharlaryn HHІ ǵasyr tyńdaýshylary aıryqsha qurmetteıdi. Barokko dáýiriniń jarqyn týyndylary sán-saltanatymen, dramalyq patetıkasymen, batyrlyq shabytymen, názik sezimtaldyǵymen, iri kólemge umtylysymen erekshe. Barokko mýzykalyq úlgileriniń eń bastysy - opera. Sharyqtaý shegine oratorııa janry jetti. Tokkata jáne fýga syndy shyǵarmanyń asqan sheber túrleri qalyptasty. Jekelegen aspaptar men kameralyq orkestr úshin sonatalar men sıýıtalar jazyldy, kontsert janry paıda boldy.
Osy janrlardyń birazy atalǵan kontsert aıasynda oryndalatyn bolady. Osylaısha, tyńdarman qaýymǵa ataqty opera men oratorııalardan arııalar, dýetter usynylady: Kleopatra arııasy, «ıÝlıı Tsezar Mysyrda» operasynan Kornelııa men Seksta dýeti, «Kserks» operasynan Kserks arııasy, «Arıodant» operasynan gertsog Polınesso arııasy, G.F.Gendeldiń «Messııa» oratorııasynan tenor arııasy, K.Monteverdıdiń «Poppeıaǵa táj kıgizý» operasynan Poppeıa men Neron dýeti, I.S.Bahtyń Messa sı mınor shyǵarmasynan alt arııasy jáne t.b. oryndalady. «Astana Opera» Kameralyq horynyń oryndaýynda J.F.Ramonyń «Galantnaıa Indııa» týyndysy shyrqalady.
Sonymen qatar, kontsert baǵdarlamasyna aspaptyq týyndylar - K.Monteverdıdiń «Orfeı» operasynan tokkata, G.Perselldiń «Abdelazer», A.Vıvaldıdiń skrıpkamen orkestrge arnalǵan «Jyl mezgilderi» toptamasynan «Naızaǵaı» jáne fagotqa arnalǵan kontsert (1-bólim), G.F.Gendeldiń «Solomon» oratorııasynan, K.V.Glıýktyń «Orfeı men Evrıdıka» operasynan aspaptyq fragmentter endi.
Kontsert 14 naýryz kúni, saǵat 19:00-de teatrdyń Kameralyq zalynda ótedi.
