«Astana Opera» teatry BAQ ókilderi arasynda konkýrs jarııalady
ASTANA. QazAqparat - «Astana Opera» teatrynyń ákimshiligi Jýrnalıster kúni qarsańynda osy teatrdyń qoıylymdary jaıly jazylǵan tuşymdy materıaldarǵa konkýrs jarııalady.
Sharanyń maqsaty - BAQ arqyly halyqty teatr ónerinen barynsha habardar etý, dep habarlanǵan «Astana Oper a » teatrynyń saıtynda.
Uıymdastyrýshylar konkýrsqa opera jáne balet ónerine qyzyǵýshylyq tanytatyn barlyq jýrnalısterdi qatysýǵa shaqyrady. Konkýrsqa úsh sanattaǵy materıaldar, ıaǵnı televızııalyq sıýjet, maqala, ǵalamtorda jaryq kórgen maqala/fotoreportaj qatysa alady. Baıqaýǵa qazaq, orys jáne aǵylshyn tilderindegi týyndylar 2014 jyldyń 15 maýsymy men 10 jeltoqsany aralyǵynda qabyldanady. Baıqaý qorytyndysy 2014 jyldyń jeltoqsan aıynda shyǵarylady. Úzdik shyǵarmalar «Astana Opera» teatrynyń saıtynda jarııalanady. QR Táýelsizdigi kúnine oraı ótkiziletin jeńimpazdardy marapattaý rásiminde ár sanat boıynsha úzdik shyqqandar baǵaly syılyqtarǵa ıe bolmaq.
Baıqaýǵa qatysatyn shyǵarmany Astana qalasy, Qonaev kóshesi, 1 mekenjaıyna nemese astanaopera@gmail.com elektrondyq poshtasyna jiberý kerek. Konkýrs erejesimen www.astanaopera.kz saıtynda tanysýǵa bolady, deıdi teatr ákimshiligi.
