«Astana opera» teatry alańynda 3D beıneleri jandanady
ASTANA. 7 maýsym. QazAqparat - Elorda turǵyndary men qonaqtary alǵash ret «Astana opera» teatry alańynda 3D shoý men teatrlandyrylǵan kórinisterdi tamashalaı alady.
«Astana kórinisteri, qala qurylysynyń bastalýy, Elordanyń basty nazar aýdarar nysandary, pırotehnıkalyq shoý - munyń bári qala jurtshylyǵynyń nazaryna Astana kúniniń 15 jyldyq mereıtoıy qarsańynda usynylady. Aýada qalqyp ushar beıneler, jandanǵan sýret pen jaryq oıyny qala kúnine oraılastyrylǵan basty sharanyń birine aınalmaq», - delingen Astana qalasynyń resmı saıtynda.
Golografııalyq proektsııa - beıneni ekranda úlkeıtip kórsetý salasyndaǵy jańashyldyqtardyń biri. Keskin arnaıy torǵa úlkeıtilip, belgili bir jaryqta jaı kózge kórinbeıtin beınege aınalady jáne tek aýada qalqyp ushatyn keskin ǵana qalady.
Bul tehnologııanyń kómegimen arnaıy jasalǵan vıdeo sıýjetterin ekranda úlkeıtip kórsetip, tańǵajaıyp qııal men saǵym jasaýǵa ábden bolady.
