«Astana Opera» solısi «Bolshaıa opera» telejobasynyń jeńimpazy atandy
«Astana Opera» teatrynyń jas solısi Dinmuhamed Kóshkinbaev kásibı opera ánshileriniń «Bolshaıa opera» halyqaralyq televızııalyq jobasynda jeńiske jetti. Oǵan Belarýs, Armenııa, Ózbekstan men Reseıden ánshiler qatysqan, dep habarlaıdy Kazinform Mádenıet jáne aqparat mınıstrliginiń baspasóz qyzmetine silteme jasap.
Dinmuhamed Kóshkinbaev – ASTANA OPERA Halyqaralyq opera akademııasynyń túlegi, Bıbigúl Tólegenova baıqaýynyń bas júlde ıegeri, Eva Marton tanymal halyqaralyq vokalıster baıqaýynyń (Vengrııa) fınalısi. ⠀
Qarasha aıynda ánshiniń jeńister qazynasy taǵy bir mártebeli marapatpen tolyqty: oryndaýshy «Opera Crown Tbilisi» halyqaralyq vokaldyq baıqaýynda úshinshi oryndy ıelenip, arnaıy júldesin aldy. ⠀
«Bolshaıa opera» – «Kýltýra» telearnasynyń tanymal jobasy, onyń tusaýkeseri 2011 jyly ótken bolatyn. Oǵan shoý men akademııalyq kontsert elementteri biriktirilgendikten, onyń barlyq maýsymy kórermenderdiń zor qyzyǵýshylyǵyn týǵyzǵan.
