«Astana Opera» ǵashyqtar kúni qarsańynda «Bári mahabbat jaıly» atty kontsertke shaqyrady
ASTANA. QazAqparat - Ǵashyqtar kúni qarsańynda,13 aqpanda «Astana Opera» teatrynyń Kameralyq zalynda «Bári mahabbat jaıly» atty kontsert ótedi. Bul týraly teatrdyń baspasóz qyzmetinesilteme jasap, www.24.kz habarlaıdy.
Mahabbat - shyǵarmashylyq adamdary - mýzykanttar, aqyndar, sýretshiler úshin berekeli taqyryp. Olardyń týyndylarynda qyrýar sezim, sol sezimge tán qýanysh pen shattyqtan bastap, qyzǵanysh pen yzaǵa deıin kezdesedi. Kontserttiń avtory Irına Kýrgýzkına baǵdarlamaǵa túrli ǵasyrlar men janrlardyń mýzykalyq shyǵarmalary engizilgenin atap ótti.
«Osy bir tamasha keshte tyńdarmanǵa F. Lıst, R. Shýman, P. Chaıkovskıı, G. Svırıdov, A. Babadjanıan jáne E. Grıgtiń mýzykasynan rahatqa bólenýdi usynamyz. Kontsertte oryndalatyn týyndylar ártúrli tilde oryndalady, alaıda mýzyka aýdarmany qajet etpeıdi, ol onsyz da júrekke jetimdi», - deıdi kontsertmeıster.
Tyńdarmanǵa mereke syılap, olardy ózderimen birge kúlip, ýaıymdaýǵa májbúr etetin «Astana Opera» teatrynyń solısteri: Aıgúl Nııazova, Roza Nurkeı (soprano), Gúljanat Sapaqova (metstso-soprano), Beıimbet Tańaryqov, Narul Toıkenov (tenorlar), Janat Shybyqpaev, Eskendir Ábjanov jáne Qazybek Dosmuhambetov (barıtondar), Artur Qaıypqulov (bas). Mahabbat mýzykasyn sondaı-aq orkestr solısteri Qalamqas Jumabaeva(skrıpka) men Stanıslav Omarov (klarnet) oryndaıdy.
Kontsert19:00-de bastalady, bıletbaǵasy1500 teńgeni quraıdy.
