«Astana Opera» erteńgi kontsertin basqa kúnge aýystyrady
ASTANA. QazAqparat - Qazaqstanda qaraly kún jarııalanýyna baılanysty «Astana Opera» teatry 9 maýsymda ótýi tıis «Mahabbat gúli» kontsertin 11-ne aýystyrady, dep habarlady teatrdyń baspasóz qyzmeti.
Teatr dırektsııasy Aqtóbedegi lankestik áreket saldarynan qaza bolǵandardyń otbasyna shyn júrekten kóńil aıtady.
«Áskerı qyzmetkerler batyrlyq tanytty. Quqyqtyq tártip organdary qyzmetkerleri ómirlerin qıyp, lańkester áreketine tótep berdi. Olardyń kásipqoılyǵyna qurmetpen qaraımyz, aıbyndy da, erjúrek olar Aqtóbe qalasynyń beıbit turǵyndaryn qorǵady», - dep atap ótti óner ujymy.
Repertýarlyq josparǵa sáıkes, «Mahabbat gúli» kontserti 9 maýsymda Kameralyq zalda saǵat 19:00-de ótýi tıis edi, endi ol 11 maýsymǵa saǵat 18:00-ge aýystyryldy (senbi).
Kontsertke qatysýshylar - lırıkalyq-koloratýralyq soprano ıesi, Qazaqstannyń eńbek sińirgen ártisi Ǵalııa Baıǵazınova, jarqyraǵan jas barıton Azat Málik, daryndy skrıpkashy Shynar Barlyqova, «Astana Opera» balalar balet stýdııasynyń oqýshylary.
Keshte P. Chaıkovskıı, S. Rahmanınov, N. Rımskıı-Korsakov, R. Shýman, D. Volf, G. Fore, D. Býdeı, N. Vıettı, L. Delıbtiń tanymal romanstary men aspapty shyǵarmalary, sondaı-aq I. Shtraýs, Sh. Lekok, F. Legar, N. Dostal, D. Ober jáne basqalarynyń operettalarynan arııalar oryndalady.
Fortepıano partııasynda - halyqaralyq baıqaýlardyń laýreaty Raýshan Beskempirova, kontsertti júrgizetin - «Mádenıet qaıratkeri» Marjan Jákenova.
