«Astana-Opera» boranǵa baılanysty bıletterdi aýystyrýǵa daıyn
ASTANA. QazAqparat - Búgin keshki saǵat 19.00-de «Astana Opera» teatrynyń úlken zaly sahnasynda frantsýz kompozıtory Jorj Bızeniń ataqty «Karmen» operasy ótedi, dep xabarlaıdy QazAqparat tilshisi.
«Aýa raıynyń kúrt nasharlaýyna baılanysty teatr ákimshiligi búgin ótetin spektaklge bıletterdi aýystyrýǵa daıyn», - delingen teatrdyń resmı xabarlamasynda.
Baspasóz qyzmetkerleriniń aıtýynsha, búgingi spektaklge kele almaǵandar bıletti 19 qańtarǵa deıin afıshada kórsetilgen kez kelgen qoıylymǵa aıyrbastaı alady. Alaıda ol qoıylymǵa bos oryn bolýy shart. «Karmen» spektakline satyp alynǵan bıletterdi «Astana Opera» teatrynyń kassasynda aýystyrýǵa bolady. Al bıletter ticketon.kz saıty arqyly satyp alynsa, bıletti onlaın rejımde aýystyrýǵa múmkindik bar», - dep atap kórsetti teatrdyń baspasóz qyzmeti.
