«Astana Opera» álemdik týrnege attanady (FOTO)
ASTANA. QazAqparat - Astanalyq trýppa Álemdik týrnege attanady. Sheteldik kórermenge teatrdyń operalyq repertýarynan eń «myqty» nómirler usynylady, dep habarlaıdy«Astana Opera» teatrynyń baspasóz qyzmeti.
«Astana Opera» teatrynyń dırektory Tólegen Muhamedjanovtyń aıtýynsha, óner ujymynyń trýppasy óte jaýapty gastrolge jol tartqaly otyr. «Bizge óz kúshimizdi kórsetýge týra keledi, osy oraıda jańa kórermenniń arasynan repertýary eń talǵampaz degen kórermendi tań qaldyratyn bizdiń erekshe de, ásem teatrymyzǵa kelýge qyzyǵýshylyq tanytatyn tabynýshylarǵa qol jetkizemiz dep úmittenemiz, sondaı-aq synshylardyń laıyqty baǵasyna ıe bolamyz degen úmitimiz bar. Bul gastrolge eýropalyq jáne qazaqtyń ulttyq klassıkasyn, orys mýzykasyn, 20 ǵasyr mýzykasy men amerıkalyq mýzykany alyp baramyz. Aıtalyq, baǵdarlamaǵa «Astana Opera» hory qatysyp, amerıkalyq Spiritual «Elijah Rock» oryndaıdy. Bul Amerıka rýhynyń, amerıkalyq mýzykanyń kvıntessentsııasy. Osylaısha, barlyq baǵyttar qamtylyp, san joldar qıylysynda turǵan «Astana Opera» teatry óziniń barlyq janrlar men mýzykalyq baǵyttarda jumys isteı alatynyn kórsetedi», - deıdi Tólegen Muhamedjanov.
27 qazan - Nıý-Iork, AQSh Karnegı-holl «Azı ıa daýysy» k ontsert i 30 qazan - Toronto, Kanada Sony Centre for the Performing Arts «Azııa daýysy» kontserti «Astana Operanyń» sımfonııalyq orkestri, hory men solısteri qazaqtyń mýzykalyq-oryndaý óneriniń mol shoǵyryn pash etetin «Azııa daýysy» kontserttik baǵdarlamasyn usynady. Dombyra men qobyz halyq aspaptarynyń ózindik úni tyńdarmandy qazaqtyń sheksiz keń dalasyna áketedi. Kontserttiń basty maqsaty - «Astana Opera» teatryn, daýystary operalyq teatrdyń 400 jyldaǵy damý tarıhynyń búkil boıaýyn qamtyp kórsetetin Ortalyq Azııadaǵy iri jáne eń jas teatr retinde tanystyrý. Baǵdarlamada qazaqtyń halyq ánderi men ozyq dáýirdiń kompozıtorlary: A. Jubanov, L. Hamıdı. E. Rahmadıev, T. Muhamedjanov jazǵan mýzyka, sondaı-aq Dj. Verdı, D. Rossını, J. Offenbah, A. Borodın, L. Bernstaınnyń uly jaýharlarynan úzindiler bar. Kontserttiń ekinshi jartysynda halyqaralyq konkýrstardyń laýreaty, asa kórnekti skrıpkashy Erjan Kúlibaevtiń oryndaýynda P.I. Chaıkovskııdiń áıgili skrıpkalyq kontserti usynylady.
Keshtiń ajaryn teatrdyń jáne jalpy elimizdiń úzdik óner qaıratkerleri ashady. Atap aıtqanda, bul Odabella partııasyn oryndap, Marıınskıı teatrynda kórermendi tamsandyrǵan, teatrdyń jetekshi solısi Jupar Ǵabdýllına. Ol «Attıla» operasynan úzindi oryndaıdy. Aıgúl Nııazova «Metropolıten-operada» tusaýy kesilgen Dj. Pýchchınıdiń «Djannı Skıkkı» operasynan Laýrettanyń arııasyn usynady. Italıandyq kórermenniń súıiktisi Medet Shotabaev kúrdeli de, eń jaqsy «Abaı» operasynan Aıdardyń arııasyn shyrqaıdy. Teatrdyń jetekshi solısi Álfııa Kárimova Leonard Bernstaınnyń «Kandıd» operasynan Kýnıgýndanyń arııasyn oryndaıdy. Dırıjerlyq tizgin maestro Abzal Muhıtdınovta. 2 qarasha - Parıj, Frantsııa Bastılııa Operasy Denıs Matsýev, Eldar Ábdirazaqov, Erjan Kúlibaev, Alberto Gazale, Jupar Ǵabdýllına, Medet Shotabaev, sonymen qatar «Astana Operanyń» sımfonııalyq orkestri men hory kontsert usynady. Asa kórnekti pıanınoshy Denıs Matsýevtyń oryndaýyndaǵy fortepıanonyń orkestrmen oryndaýyna arnalǵan №2, do mınor, or.18 kontserti birinshi bólimniń sánine aınalady. Munymen qatar E. Rahmadıev pen M. de Falıanyń tamasha týyndylary oryndalady. Dırıjerlyq tizginde - maestro Abzal Muhıtdınov. Ekinshi bólimde kórermen Dj. Verdıdiń «Attıla» operasynyń kontserttik nusqasyn tamashalaı alady. Eldar Ábdirazaqov basty partııany oryndaıdy. Odabellany Jupar Ǵabdýllına shyrqasa, Forestony Qazaqstannyń belgili tenory Medet Shotabaev shyrqaıdy. Tizginde - álemge áıgili dırıjer Alan Bóribaev. 4 qarasha - Antverpen, Belgııa
5 qarasha - Rotterdam, Nıderlandy «De Doelin» kontserttik zaly «The Best of Opera» gala kontserti «The Best of Opera»
