«Astana Opera» álemdik opera óneriniń jylnamasyna enetin bolady - N. Nazarbaev
ASTANA. 21 maýsym. QazAqparat - «Astana Opera» bul Ortalyq Azııadaǵy ónerdiń eń úlken hramy. Búgin elordada memlekettik opera jáne balet teatrynyń ashylýy barysynda Elbasy Nursultan Nazarbaev osylaı aıtty.
«Jańa teatr - bul Ortalyq Azııadaǵy ónerdiń eń úlken hramy. Bul búkil Eýrazııa keńistiginde sońǵy birneshe onjyldyqta dúnıege kelgen birden-bir aýqymdy klassıkalyq teatr. Bul álemdegi tehnıkalyq jaǵynan eń jetilgen teatr bolyp tabylady. Mamandar maǵan mundaǵy akkýstıkanyń minsiz ekendigin aıtty. Endeshe bul tarıhı sát álemdik opera óneriniń jylnamasy men tarıhyna enetin bolady»,-dedi Elbasy.
Sondaı-aq Memleket basshysy «Astana Opera» teńdessiz ǵımaratynyń Qazaqstan tarıhyna ázirdiń ózinde jazylǵanyn atap ótti. Budan bólek Elbasy ótken jyldyń jeltoqsanyndaǵy Táýelsizdik kúni qarsańynda osy ǵalamat ǵımaratta «Qazaqstan - 2050 strategııasy» jarııalanǵanyna toqtalyp, ol strategııada mádenıet salasy bizdiń ultymyzdyń genetıkalyq kody retinde aıqyndalǵanyn jetkizdi.
