Astana Open: Zarına Dııas shırek fınalǵa shyǵa almady
NUR-SULTAN. QazAqparat – Qazaqstandyq Zarına Dııas Astana Open WTA 250 týrnıriniń shırek fınalyna shyǵa almady, dep habarlaıdy QazAqparat tilshisi.
Dúnıejúzilik reıtıngte 109-orynda turǵan Z.Dııas ekinshi aınalymda álemniń 86-ynshy, osy jarystyń 6-raketkasy, shvetsııalyq Rebekka Petersonmen kortqa shyqty.
Saǵat jarymnan astam ýaqytqa sozylǵan kezdesý barysynda shvetsııalyq tennısshiniń basymdylyǵy aıqyn baıqalyp turdy. Eki sette de alǵa ketken ol 6:2, 6:2 esebimen jeńiske
jetti.
R.Peterson 1 eıs jasap, 12 breık-poınttyń teń jartysyn paıdalandy. Z.Dııas 6 breık-poınttyń ekeýin ǵana óz esebine jaza aldy.
R.Peterson jartylaı fınalǵa shyǵý úshin álemniń 80- raketkasy, reseılik Anastasııa Potapovamen talasady. Ol tartysty básekede frantsııalyq Krıstına Mladenovıchti 1:6,
6:4, 6:3 esebimen tize búktirdi.
Osylaısha júlde qory 235 myń AQSh dollarynan asatyn Astana dodasynda jekeleı synda Qazaqstannan ıÝlııa Pýtıntseva ǵana qaldy.
Eske sala keteıik, budan buryn Zarına Dııastyń Astana Open týrnırinde ekinshi aınalymǵa shyqqanyn jazǵan bolatynbyz.
Sondaı-aq ıÝlııa Pýtıntseva jarysty sátti bastady.
