Astana Open týrnıriniń irikteý saıystary aıaqtaldy
ASTANA. QazAqparat - Elordada Astana Open ATP 500 týrnıriniń irikteý saıystary aıaqtaldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Aleksandr Nedovesov negizgi jarysqa óte almady.
Qazaqstandyq tennısshi irikteý saıystarynyń fınalynda qytaılyq Chjıchjen Chjanǵa ese jiberdi - 6:7 (5:7), 3:6.
Birinshi partııada esep 5:4 bolǵan mezette Aleksandr setbolyn paıdalana almady. Sodan keıin taı-breıkte qarsylasy sátti oınady.
Negizgi týrnırge álemniń 65-raketkasy, belgııalyq Davıd Goffendi ıtalııalyq Lýka Nardı utty. Otandasy Pavel Kotovty súrindirgen reseılik Aleksandr Shevchenko, sondaı-aq túrkııalyq Altýg Chelıkbılekti joldan taıdyrǵan álemniń 72-raketkasy, serbııalyq Laslo Djere negizgi dodaǵa joldama aldy.
Astana Open ATP 500 jarysy erteń bastalady.
Eske sala keteıik, budan buryn tennısshi Tımofeı Skatovtyń Lıssabon týrnıriniń fınalyna óte almaǵanyn jazǵan bolatynbyz.
Sondaı-aq kanadalyq tennısshi Qazaqstanǵa qaıta kelgenine qýanyshty ekendigin aıtty.
