Astana Open týrnıriniń chempıondary anyqtaldy
NUR-SULTAN. QazAqparat - Elordada Astana Open ATP 250 týrnıri márege jetti, dep habarlaıdy QazAqparat tilshisi.
Jekeleı synda fınalda álemniń 65-raketkasy, aýstralııalyq Djeıms Dakvort pen dúnıejúzilik reıtıngte 82-orynda turǵan ońtústikkoreıalyq Kvon Sý Vý bas júldeni sarapqa saldy.
Saǵat jarymnan astam ýaqytqa sozylǵan matchta ońtústikkoreıalyq tennısshi qarsylasyn 7:6 (8:6), 6:3 esebimen utty.
Óz sporttyq jolynda aıtýly tabysyna qol jetkizgen Kvon Sýn Vý báseke barysynda 4 eıs jasap, 6 breık-poıntttyń ekeýin múlt jibergen joq. Qarsylasy 10 eıs jasaǵanymen, 1 breıkpen shekteldi.
Juptyq synda jarystyń 1-raketkalary, meksıkalyq Santıago Gonsales pen argentınalyq Andreas Moltenı jeńimpaz atandy. Olar sońǵy básekede Izraıl ókili Ionatan Erlıh pen belorýssııalyq Andreı Vasılevskııdi 6:1, 6:2 esebimen tize búktirdi.
Eske sala keteıik, budan buryn Astana Open jarysynda Aleksandr Býblıktiń fınalǵa shyǵa almaǵanyn jazǵan bolatynbyz.
