Astana Open: Dmıtrıı Popko ótken jylǵy chempıonǵa jol berdi
NUR-SULTAN. QazAqparat - Qazaqstandyq Dmıtrıı Popko Astana Open ATP 250 týrnıriniń ekinshi aınalymyna shyǵa almady, dep habarlaıdy QazAqparat tilshisi.
Dúnıejúzilik reıtıngte 188-orynda turǵan D.Popko alǵashqy aınalymda álemniń 48-raketkasy, osy jarystyń ótken jylǵy chempıony, aýstralııalyq Djon Mıllmanmen kúsh synasty.
Qazaqstandyq tennısshi matchty qos breıkpen sátti bastady - 6:3.
Alaıda osydan keıin D.Mıllman oıyn tizginin óz qolyna alyp, 6:1, 6:4 esebimen jeńiske jetti.
Eki saǵattan astam ýaqytqa sozylǵan matchta Popko 3 eıs jasap, 9 breık-poınttyń úsheýin ǵana paıdalandy. Qarsylasy 4 eıs, 5 breıkke (6 breık-poınt) qol jetkizdi.
D.Mıllman ekinshi aınalymda álemniń 71-raketkasy, ıspanııalyq Haýme Mýnıarmen sheberlik baıqasady.
Eske sala keteıik, budan buryn Tımofeı Skatovtyń tájirıbeli tennısshini jeńip, ekinshi aınalymǵa shyqqanyn jazǵan bolatynbyz.
