Astana Open ATP 500 týrnıri: qazaqstandyq jup shırek fınalǵa shyǵa almady
ASTANA. QazAqparat – Qazaqstandyqtar Aleksandr Býblık pen Beıbit Jýkaev Astana Open ATP 500 týrnıriniń shırek fınalyna shyǵa almady, dep habarlaıdy QazAqparat tilshisi.
A. Býblık pen B. Jýkaev sporttyq joldarynda alǵash ret birge kortqa shyqty. Aleksandr Býblık qurama kóshbasshysy retinde 21 jastaǵy Beıbit Jýkaevtyń bolashaǵyna senetinin, sondyqtan osy jarysta juptyq synda onymen birge óner kórsetýge bel baılaǵanyn málimdedi.
Qazaqstandyq jupqa alǵashqy aınalymda asa tájirıbeli ıtalııalyqtar Sımone Bolellı men Fabıo Fonını tap boldy.
Birinshi partııada esep 3:3 bolǵan mezette A. Býblık dop bergen kezde ıtalııalyq dýet breık jasap ketti. Sodan keıin óz múmkindikterin jibergen joq – 6:4.
Ekinshi sette ıtalııalyqtar 4:0 esebimen alǵa ketti. Aqyry matchty jeńispen túıindedi – 6:2.
Bul básekeniń tájirıbe jınaqtaýda B. Jýkaev úshin paıdaly bolǵany anyq.
S. Bolellı men F. Fonını shırek fınalda Polsha ókilderi Hýbert Hýrkach - ıAn Zelınskımen kezdesedi.
Osylaısha, Astana jarysynda Qazaqstannan jekeleı synda Aleksandr Býblık qana qaldy.
Eske sala keteıik, budan buryn Astana Open ATP 500 týrnırinde Aleksandr Býblıktiń 15 eıs jasap, ekinshi aınalymǵa shyqqanyn jazǵan bolatynbyz.
Sondaı-aq, Anna Danılına Chehııadaǵy jarystyń shırek fınalyna shyqty.
Álemniń tórtinshi raketkasy Qazaqstannyń tennıs týrnırlerin joǵary deńgeıde uıymdastyratynyn aıtty.
