Astana Open ATP 500 týrnıri: Aleksandr Býblık 15 eıs jasap, ekinshi aınalymǵa shyqty
ASTANA. QazAqparat – Qazaqstannyń birinshi, álemniń 43-raketkasy Aleksandr Býblık Astana Open ATP 500 týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi alǵashqy aınalymda álemniń 54-raketkasy, nıderlandylyq Tallon Grıkspýrmen oınady.
Osyǵan deıin qarsylastar ózara eki ret kezdesip, ekeýinde de A.Býblık jeńgen edi.
Bul joly Aleksandr birinshi partııada nebári 21 mınýt jumsap, Grıkspýrdy bet qaratpaı utty – 6:0.
Ekinshi sette A.Býblık breık-poınttaryn paıdalana almasa, T.Grıkspýr ondaı múmkindigin múlt jibermedi – 6:4.
Úshinshi, sheshýshi partııada esep 2:1 bolǵan mezette qazaqstandyq sportshy breık jasap, sosyn óz geımin de aldy – 4:1. Taǵy bir breık – 5:1. Býblık matchqa dop bergende, Grıkspýr esepti qysqartty. Degenmen Aleksandr aqyry jeńiske qol jetkizdi – 6:3. Qarsylasy 5 eıs, 2 breıkten (3 breık-poınt) asa almady.
Bir saǵat 40 mınýtqa sozylǵan báseke barysynda A.Býblık 15 eıs jasap, 9 breık-poınttyń beseýin paıdalandy.
A.Býblık shırek fınalǵa shyǵý úshin álemniń 10-ynshy, osy jarystyń 7-raketkasy, Polsha ókili Hýbert Hýrkachpen talasady. H.Hýrkachtyń da boıy uzyn, soqqysy joıqyn. Sondyqtan match tartysty bolatyny anyq.
Juptyq synda búgin qazaqstandyqtar Andreı Golýbev pen Aleksandr Nedovesov birinshi aınalymda frantsııalyqtar Adrıan Mannarıno – Fabrıs Martenge jol berdi – 6:3, 4:6, 9:11.
Osylaısha Astana dodasynda Qazaqstannan jekeleı synda A.Býblık qana qaldy. Al juptyq synda A.Býblık pen Beıbit Jýkaev 5 qazan kúni ıtalııalyqtar Sımone Bolellı – Fabıo Fonınımen synǵa túsedi.
Eske sala keteıik, budan buryn Elena Rybakınanyń Chehııada álemniń 17-raketkasyn jeńgenin jazǵan bolatynbyz.
Sondaı-aq Astana Open ATP 500 týrnırinde álemniń birinshi raketkasy jeńilip qaldy.
Karen Hachanov Astanaǵa tennıs juldyzdary jınalǵanyn aıtty.
Tennısshi Tımofeı Skatov Italııadaǵy týrnırdi jeńispen bastady.
Foto:ktf.kz
