Astana Open ATP 250 týrnıriniń fınalyna shyqqan tennısshiler belgili boldy

Elordada Astana Open ATP 250 týrnıriniń fınalyna shyqqan tennısshiler belgili boldy, dep habarlaıdy QazAqparat tilshisi. 

Aldymen álemniń 28-raketkasy, 23 jastaǵy amerıkalyq Sebastıan Korda sońǵy básekege joldama aldy.

S.Korda jartylaı fınalda 3 saǵatqa jýyq ýaqytqa sozylǵan asa tartysty básekede dúnıejúzilik reıtıngte 120-orynda turǵan 20 jastaǵy serbııalyq Hamad Mededovıchti 6:7 (8:10), 7:6 (7:2), 7:6 (7:3) esebimen jeńdi.

Ekinshi jartylaı fınalda álemniń 34-raketkasy, frantsııalyq Adrıan Mannarıno reıtıngte 58-satydaǵy aýstrııalyq Sebastıan Ofnerdi 6:4, 6:2 esebimen joldan taıdyrdy.

Osylaısha, chempıondyq ataq úshin S.Korda men tis qaqqan oıynshy, 35 jastaǵy A.Mannarıno talasady. 

Foto: Qazaqstan tennıs federatsııasy

Frantsııalyq sportshy osymen fınalǵa ekinshi ret shyǵyp otyr. Ol 2020 jyly aýstralııalyq Djon Mıllmanǵa ese jibergen edi.

Eske sala keteıik, budan buryn Elena Rybakınany Beıjińde Azıada chempıonyn oısyrata utqanyn jazǵan bolatynbyz.

Sondaı-aq qazaqstandyq tennısshiler Shanhaıdaǵy masters týrnıriniń irikteý saıysyn sátti bastady.