Astana Open: Aleksandr Býblık shırek fınalǵa shyqty
NUR-SULTAN. QazAqparat - Qazaqstannyń birinshi, álemniń 36-raketkasy Aleksandr Býblık Astana Open ATP 250 týrnıriniń shırek fınalyna shyqty, dep habarlaıdy QazAqparat tilshisi.
Jarystyń 2-raketkasy bolyp tirkelgen A.Býblık týrnırdi ekinshi aınalymnan bastap, dúnıejúzilik reıtıngte 60-orynda turǵan serbııalyq Mıomır Ketsmanovıchpen kezdesti.
Tartysty ótken matchta qazaqstandyq tennısshi 2:6, 6:3, 7:5 esebimen jeńiske jetti.
Eki saǵatqa sozylǵan báseke barysynda A.Býblık 18 eıs jasap, 5 breık-poınttyń ekeýin múlt jibergen joq. Qarsylasy 4 eıs, 2 (7 breık-poınt) breıkke qol jetkizdi.
A.Býblık jartylaı fınalǵa shyǵý úshin Belarýs ókili Egor Gerasımov nemese ıspanııalyq Karlos Tabernerdiń bireýimen talasady.
Eske sala keteıik, budan buryn Elena Rybakınanyń Ostrava týrnıriniń shırek fınalyna shyqqanyn jazǵan bolatynbyz.
