«Astana» ÓńQ jańadan shaqyrylǵan sarbazdary alǵash ret jaýyngerlik qarýdan oq atty
Jańadan shaqyrylǵandar OAJ-1 jattyǵýlaryn (oqý atystarynyń birinshi jattyǵýlary) oryndady. Praktıkalyq sabaqtarǵa teorııalyq daıyndyq kýrsy negiz boldy, onda sarbazdar atys qarýynyń sıpattamalaryn, oq atý tehnıkasy men erekshelikterin, qaýipsizdik erejelerin zerdeledi. Bul jas sarbazdardyń áskerı qyzmettegi naǵyz jaýyngerlik qarýdan alǵash ret atýy. Olardyń barlyǵy praktıkalyq sabaqty jaqsy ıgerdi. Atys nátıjeleri boıynsha qatardaǵy jaýynger Álimbaev 27 ball jınady. Alǵashqy oqý- jattyǵýlary úshin bul jaqsy nátıje. Bul atystardy jas áskerılerdiń «jaýyngerlik bastamasy» dep aıtýǵa bolady. Armııadaǵy bir jyl qyzmet ishinde olardy áli de osyndaı sabaqtar, oqý-jattyǵýlar men dalalyq jıyndar kútýde, dep habarlaıdy QR Qorǵanys mınıstrliginiń baspasóz qyzmeti.