«Astana» óńirlik qolbasshylyǵynyń sardarlary balalardy Jańa jylmen quttyqtady
Jańa jyl qarsańynda erekshe balalar ertegi álemine shomyp, ǵajaıyptarǵa sene aldy. «Astana» óńirlik qolbasshylyǵynyń áskerı qyzmetshileri Aıaz Ata men Aqshaqardyń kıimderin kıip, olardy tátti syılyqtarmen ǵana emes, naǵyz shaǵyn kórinispen de qýantty, dep habarlaıdy QazAqparat.
«Balalardy Jańa jylmen quttyqtaý bizdiń áskerı qyzmetshiler úshin jaqsy dástúrge aınaldy. Barlyq syılyqtar erikti túrde jınalady. Biz balalardyń jas erekshelikterin jáne olardyń qalaýlaryn eskerýge tyrystyq. Balalarǵa mereke syıladyq dep úmittenemiz», – dedi áskerı qyzmetshilerdiń otbasy múshelerimen jumys jónindegi qyzmettiń nusqaýshysy Gúlnár Smatova.
Aıaz ata men Aqshaqar rólinde tárbıe jáne ıdeologııalyq jumystar jónindegi aǵa ofıtser maıor Jandos Tazabekov pen azamattyq qyzmetshi Aıjan Isanova boldy.
«Men úshin Aıaz Atanyń róli burynnan tanys. Men ony jyl saıyn derlik oryndaımyn. Men balalardy qýantqandy jaqsy kóremin, ózimniń tórt balam bar. Men balalardyń ǵajaıyptarǵa, meıirimdilikke sengenin jáne merekeni shynymen sezingenin qalaımyn. Aıaz atasyz qandaı mereke?» – deıdi Jandos Tazabekov.
