«Astana ómirdi tańdaıdy» shyǵarmashylyq keshi ótti
Shara Astana qalalyq Qoǵamdyq damý isteri basqarmasynyń tapsyrysymen «SOS Astana balalar qalashyǵy» qorynyń «Men ómirdi súıemin» áleýmettik jobasy aıasynda uıymdastyryldy.
Atalǵan joba jastar arasynda sýıtsıdpen kúresý men aldyn alýǵa baǵyttalǵan. DDS uıymynyń esebi boıynsha álemde kóbinese 15-45 jas aralyǵyndaǵy adamdar sýıtsıdke barady. Ókinishke qaraı 2017 jyldyń ózinde elimizde 3 644 adam ómirmen ózdiginen qoshtasqan.
Uıymdastyrýshylardyń aıtýynsha «Men ómirdi súıemin» jobasy aıasynda buǵan deıinde halyq arasynda sýıtsıd taqyrybynda aqparattandyrý jumystary júrgizildi. Onyń ishinde adam óziniń jaqyndary nemese dostarynan sýıtsıdke aparatyn qandaıda bir kúızelistiń belgisin baıqasa, ony anyqtaıtyn ártúrli tásilderdiń bar ekeni jáne onyń qalaı júzege asyrylatynyn mamandar túsindirdi.
«Osy jobany ázirlegende biz álemdik tájirıbege súıendik, atap aıtqanda ıÝNISEF-tiń baǵdarlamasyn negizge aldyq. Biz jumys isteıtin negizgi úsh aýdıtorııa bar, aldymen jasóspirimder men jastar, olarmen ómirde durys joldy tańdaýǵa baǵyttalǵan sharalar ótkizemiz, ekinshi ata-analarmen, jalpy buqaramen aqparattandyrý jumysy, úshinshi ózimizdiń mamandardyń biliktiligin arttyrýǵa arnalǵan jumystar, sebebi bizde bilikti mamandar jetispeıdi», -dedi shara uıymdastyrýshysy, áleýmettik qyzmetker Marııa Shýbına.
«Astana ómirdi tańdaıdy» shyǵarmashylyq keshinde jastar án aıtyp, bı bılep kóńil kóterýmen qatar, adamdardyń óz ózine qol jumsaý problemasyna nazaryn aýdaryp, onymen birge kúresýge, ómirde durys joldy birge tańdaýǵa baǵyttalǵan úgit nasıhattar aıtyldy.
