«Astana» olımpıadalyq daıarlaý ortalyǵynyń mergenderi Katar gran-prıinde úzdik shyqty
ASTANA. KAZINFORM - Stend atý bóliminiń sportshylary Dohadaǵy Katar Gran-prıinde trap jattyǵýy boıynsha úzdik nátıje kórsetti.
Bul týraly QR Týrızm jáne sport mınıstrliginiń Sport komıteti habarlady.
Jasóspirimder arasynda Eleonora Ibragımova men Nıkıta Moıseev altyn medaldy jeńip aldy. Al Revekka Sıgıtova men Egor Tsarev kúmis medalǵa qol jetkizdi. Nargıza Sarmanova qola medal jeńip aldy.
Esterińizge sala keteıik, buǵan deıin bizdiń sportshylar skıt jattyǵýynda jasóspirimder arasynda altyn, áıelder arasynda qola jeńip aldy. Nátıjesi - 3 altyn, 2 kúmis jáne 2 qola medal.
Osyǵan deıin, mánerlep syrǵanaýdan Ońtústik Koreıa astanasy Seýlde ótip jatqan tórt qurlyq chempıonatynda qazaqstandyq Mıhaıl Shaıdorov chempıon atanǵanyn jazdy.
Al Dinmuhammed Aıdarbek Fujairah Open týrnırinde qarsylaq shaq keltirmeı, jeńimpaz atandy.