Astana oqýshylary robot tehnıkasy sabaǵyn oqıtyn boldy
ASTANA. QazAqparat - 2016-2017 oqý jylynda bilim mazmunyn jańartý sheńberinde Astananyń 70 mektebinde «Robototehnıka» kýrsy engizildi, dep habarlaıdy qalalyq bilim basqarmasy.
Atalǵan kýrs elektıvti nemese fakýltatıv kýrs túrinde oqý josparynyń varıatıvti bóligi esebinen engizildi.
«2017-2018 oqý jylynan bastap kýrsty barlyq oqýshylar mindetti túrde oqıtyn ınvarıanty quramdasqa aınaldyrý múmkindigi qarastyrylýda. Qazirgi ýaqytta kýrsty ınformatıka pániniń muǵalimderi ótkizedi, alaıda birtindep jaratylystaný-matematıkalyq tsıkl pánderiniń muǵalimderine berý josparlanǵan. Jaz maýsymynda 158 ınformatıka muǵalimi Nazarbaev zııatkerlik mektebiniń bazasynda oqytý kýrstarynan ótti», - dep habarlaıdy basqarmadaǵylar.
Qazirgi ýaqytta kýrstyń teorııalyq bóligi ótkizilýde.
Oqý protsesin uıymdastyrý sapasyn arttyrý úshin mektepterde arnaıy kabınetter bólip, olardy robototehnıka sabaǵyn ótkizýge laıyqtap jaraqtaý josparlanǵan.
