Astana oqýshylary Іshki ister departamenti murajaıynda boldy

ASTANA. QazAqparat - Uly Jeńistiń 70 jyldyǵy qarsańynda mektep oqýshylary Astana qalasy ІІD murajaıynda boldy, dep habarlady qalalyq ákimdiktiń baspasóz qyzmetinen.

Ol jerde oqýshylarǵa ishki ister organdarynyń ár kezeńdegi qalyptasý jáne damý tarıhy jaıly aıtyldy. Sonymen qatar, jas qonaqtarǵa qyzmetkerlerdiń forma kıimderi men qarýlary kórsetildi. Búginde murajaı qory biregeı qujattar negizinde jasalǵan úlken tarıhı qundylyqqa ıe. Qazirgi tańda murajaıda 2500-den astam zat saqtalǵan. Sonyń ishinde gramotalar, syılyqtar, fotosýretter, qyzmetkerlerdiń jeke zattary jáne taǵy basqalary bar. Eń biregeı eksponattar retinde ishki ásker ókilderi 1945 jyly alǵash ret Máskeýdegi sherýge kıgen Tselınograd mılıtsııasy garnızonynyń belgisi, jeńge taǵatyn japsyrmalardy ataýǵa bolady. UOS kezindegi eksponattar mektep oqýshylarynyń zor qyzyǵýshylyǵyn týǵyzdy. Galereıada ardagerler týraly estelikter men olardyń ómirbaıandary saqtaýly. Soǵys kollektsııasynyń ishinde pýlemetter, mınomettar, jaýynger kaskalary, jarylǵan mınalardyń korpýstary, oqtar, gılzalar bar.