Astana nysandary jylý berý maýsymyna 100 paıyz daıyn - Ákimdik
TANA. 21 qyrkúıek. QazAqparat /Jasulan Amanbaıuly/ - 2011 jylǵy 20 qyrkúıektegi jaǵdaı boıynsha, Astanadaǵy barlyq turǵyn úı qory jylý berý maýsymyna 100 paıyz daıyn.
Bul týraly búgin Astana ákimdiginde qala basshysy Imanǵalı Tasmaǵambetovtyń tóraǵalyǵymen ótken jıynda 2011-2012 jylý berý maýsymyna daıyndyq boıynsha qalalyq shtabtyń tóraǵasy Vasılıı Krylov málim etti.
«Shtab jumysynyń aıasynda «Astana-Jylýtranzıt» AQ qalanyń aýdandyq ákimdikterimen birlesip, turǵyn úı qorynyń jáne áleýmettik nysandardyń kúzgi-qysqy maýsymǵa daıarlyǵyn jasady. Qazirgi ýaqytta olardyń barlyǵy jylytý kezeńine 100 paıyz daıyn», - dedi qala ákiminiń orynbasary V. Krylov.
Onyń baıandamasyna sáıkes, elordada barlyǵy 1903 turǵyn úı, 115 bilim, 26 densaýlyq saqtaý jáne 12 mádenı nysan qysqy maýsymǵa qamdanyp úlgergen.
«Áleýmettik-mádenı, turmystyq nysandardyń daıyndyǵy óte mańyzdy másele. Oǵan qaladaǵy turǵyn úıler qory, densaýlyq saqtaý nysandary, bilim berý mekemeleri, mádenıet nysandary kiredi», - dedi Imanǵalı Tasmaǵambetov.
Shtab tóraǵasy V. Krylovtyń aıtýynsha, TETs-1 jáne TETs-2 qoımalarynda 290 myń tonna kómir men 8,5 myń tonna mazýt bar. Bul Astana qalasynyń qysqy maýsymdy aman-esen ótkerýge tolyq múmkindik beredi.
Elorda ákiminiń aıtýynsha, áleýmettik-mádenı, turmystyq nysandarǵa 15 qazannan bastap jylý berile bastaıdy.
