Astana: «Nurjol» býlvaryndaǵy avtoturaqqa tólem jasaý tásilderi túsindirildi
ASTANA. QazAqparat - Astanada «Nurjol» býlvaryndaǵy avtoturaq úshin 50 jáne 100 teńgelik monetalarmen tóleýge bolady. Bul týraly Astana ákiminiń baspasóz hatshysy Elvıra Júrgenbaeva málim etti, dep habarlaıdy QazAqparat.
«2018 jyldyń 15 qańtarynan «Nurjol» býlvarynda aqyly turaqtar iske qosyldy. Eger de sol aýdanda jumys isteıtin bolsańyz nemese sol jerge jumys babymen jıi barsańyz, onda «P» tańbasyndaǵy aqparattyq qalqanǵa jáne parkomattarǵa nazar aýdarǵandaryńyz jón. Sol aýmaqta 472 turaq orny jasaqtalyp, aqparattyq qalqandar men 12 parkomat ornatyldy. Tólem jasaý júıesine toqtalatyn bolsaq, parkomat arqyly tólemaqyny qolma qol aqshamen nemese bank kartasymen, SMS arqyly, jeke kabınetpen, «Kassa 24» termınaly jáne Astana avtoturaqtary mobıldik qosymshasymen iske asyrý múmkindigi bar»,- dep jazdy E. Júrgenbaeva Feısbýktegi paraqshasynda.
Onyń sózine qaraǵanda, avtoturaqty árbir 15 mınýt saıyn tirkeý qurylǵysy bar arnaıy mashına sholǵyndap otyrady. Osy oraıda tirkelgen málimetter avtomatty túrde basqarý ortalyǵyna baǵyttalady.
Tańǵy saǵat 8-den keshki 8-ge deıin turaqtaǵy bir saǵattyń quny - 100 teńge. Demalys jáne mereke kúnderi avtoturaqqa kólik qoıý tegin bolady.
Atap aıtqanda, parkomattardy paıdalaný erejesi men tólem jasaý tásilderi týraly tolyǵyraq málimetter www.2888.kz saıtynda usynylǵan. Sonymen qatar qajetti aqparatty 8-800-080-28-88 nemese 109 nómirinen alýǵa bolady.
«Tólemdi 50 jáne 100 teńgelik monetalarmen jasaýǵa bolady», - dedi E. Júrgenbaeva.
Aıta keteıik, avtoturaqtardy tegin paıdalaný qyzmetteri UOS ardagerlerine, birinshi jáne ekinshi toptaǵy múmkindigi shekteýli jandarǵa, «Altyn Qyran» jáne «Halyq qaharmany» ordenimen marapattalǵandarǵa, kópbalaly analarǵa, Semeı polıgonyndaǵy synaqtardan zardap shekkenderge, sondaı-aq Aýǵan soǵysy ardagerlerine qoljetimdi.
