Astana - Nursultan Nazarbaevtyń ózindik bir álemi! - J.Erǵalıev
KÓKShETAÝ. QazAqparat - Astana - qasıetti qazaq jerine júregine syıǵan tutas álemdi óz eli men halqyna degen sheksiz súıispenshiliginiń belgisindeı etip óz dalasyna qondyryp,ornyqtyra bilgen Nursultan Nazarbaevtyń ózindik bir álemi!. Bul týraly QR Parlamenti Senatynyń depýtaty J.Erǵalıevpen suhbattasqanymyzda málim etti.
Onyń aıtýynsha, búginde Qazaqstandy álemniń órkenıetti elderdiń bári de qarqyndy damyp kele jatqan eń ozyq memleketterdiń biri dep tanıdy.
"...Astanaǵa on alty jyl! Iá...on alty jyl! Apyr-aý, bul ne qylǵan on alty jyl?! Sengiń-aq kelmeıdi! Óıtkeni, kóńildegi de, kókeıdegi de, kóz aldymyzdaǵy da Astana qalasy tap bir burynnan bar, máńgilik turǵan qala bolyp júrek túpkirinde qutty bir qýanysh bolyp jatqany da bar!,...
Táýelsiz el bolyp quralǵan bir-eki on jyldyqtyń aralyǵynda, dál osy bir on alty jylda kók kúmbeziniń ushar basynda kók baıraǵy asqaq jelbirep turǵan dál mynandaı Aqordaly Astana salyp alý múmkin be edi? Múmkin bolmasa da, qazaq eliniń Elordasy, astanasy salyndy! Álemde qazaq eliniń Astanasy bar! Sol búgingi Astana qalasy óziniń tańǵajaıyp keskin kelbetimen de, árlengen sánimen de qazir dúnıe álemin tańdandyryp ta, tamsandyryp ta otyrǵandyǵy aqıqat", deıdi senator.
"Táýelsizdiktiń baıandy taǵdyry Nursultan Nazarbaevtyń taǵdyry, al Elbasynyń taǵdyry tutas bir halyqtyń, barsha qazaqstandyqtardyń taǵdyry bolyp qalyptasty da, Máńgilik eldiń irge tasyn Nazarbaev óziniń kemel oıymen, aqyl men sana túısigindegi kóregendigimen, táýekelshil erligimen turǵyzyp bere alǵandyǵyn jáne de turǵyzyp qana qoımaı, sol Máńgilik eldiń Astanasy kórikti, irgesi berik, eńsesi bıik, birligi myzǵymas,yntymaǵy arzymas, yrysy taýsylmas,berekesi ketpes, yryzdyǵy ortaımas, dáýleti shaıqalmas, álem aldyndaǵy júzi jarqyn, sózi ótimdi, aıbyny asqaq bolsyn degen perzenttik te prezıdenttik te adal oıymen bardan joqty qurap degendeı bárin de jasady, jasap ta kele jatyr. Kóńil osylaı deıdi!", dep sózin onan ári jalǵastyrdy J. Erǵalıev.
"Astana - qasıetti qazaq jerine júregine syıǵan tutas álemdi óz eli men halqyna degen sheksiz súıispenshiliginiń belgisindeı etip óz dalasyna qondyryp, ornyqtyra bilgen Nursultan Nazarbaevtyń ózindik bir álemi!", deıdi senator.
