Astana neırohırýrgteri omyrtqaǵa kúrdeli ota jasady
ASTANA. 13 aqpan. QazAqparat - Astana qalasyndaǵy Respýblıkalyq neırohırýrgııa ǵylymı ortalyǵynyń (RNǴO) dárigerleri omyrtqaǵa biregeı ota jasady.
Sonyń arqasynda 65 jastaǵy áıel múgedektikten aman qaldy, dep habarlady RNǴO-nyń baspasóz qyzmetinen.
Astana qalasynyń resmı saıtynyń habarlaýynsha, RNǴO spınaldyq neırohırýrgııa bóliminiń dárigerleri bólim meńgerýshisi Talǵat Kerimbaevpen birge isik pen omyrtqanyń zaqymdanǵan jerin alyp tastap, jasandy protez qoıdy. Hırýrgter óte sırek ádisti qoldandy. Ota bir kezeńmen ótti.
Dárigerlerdiń atap ótýinshe, mundaı otalar eki kezeńnen turady. Óıtkeni keýde jasýshalaryn ashý joǵary travmatıkalyq jaǵdaı bolyp tabylady. Jáne mundaı otalar jasy ulǵaıǵan adamdarǵa onsha sátti jasala bermeıdi.
«Ota sátti jasaldy. Birneshe kúnnen keıin omyrtqasyndaǵy kesel alynyp tastalǵan áıel aıaǵynan turdy. Qazir onyń densaýlyǵy qalypty, birneshe kúnnen keıin úıine jiberiledi», - delingen habarlamada.
Habarlanǵandaı, osyndaı ádispen spınaldyq neırohırýrgııa bóliminde 130 naýqasqa ota jasalypty. Atalǵan bólimde omyrtqa men julynǵa jylyna 600-den astam ota jasalyp, 10 ınnovatsııalyq medıtsınalyq tehnologııa engiziletin kórinedi.
