«ASTANA MUSICAL» teatry Halyqaralyq komedııalyq teatr festıvalinde úzdik atandy

ASTANA. KAZINFORM – Roza Baǵlanova atyndaǵy «Qazaqkontsert» memlekettik akademııalyq kontserttik uıymynyń «ASTANA MUSICAL» teatry «Úzdik komedııalyq spektakl» nomınatsııasyn ıelendi.

Bıyl festıval Qazaqstannyń Halyq jazýshysy, Memlekettik syılyqtyń laýreaty, jazýshy-dramatýrg Sáken Júnisovtiń 90 jyldyǵyna arnaldy. 

«Sálem» festıvaline elimizdiń tanymal teatrlary, odan bólek Ázerbaıjan memlekettik «Pantomım» teatry, Túrkııanyń Ystanbul memlekettik teatry qatysty.

«ASTANA MUSICAL» Reı Kýnıdiń «№13» komedııasyn usynyp, qazylar alqasynyń joǵary baǵasyn aldy. 

Eske sala keteıik, buǵan deıin Imanbektiń óńdeýindegi «RÝH» beıneklıpi bir kúnde 17 myńnan astam kórilim jınaǵanyn jazǵan edik.