Astana murajaıynda Uly Otan soǵysyn eske alýǵa arnalǵan kórme ashyldy

Bul týraly astana.kz saıtynda habarlandy.

Murajaı jádigerleri aýqymy, qasireti men shyǵyny, materıaldyq zardaptary jaǵynan buryn-sońdy bolyp kórmegen ekinshi dúnıejúzilik soǵystyń kórinisterin kóz aldyǵa ákeledi. Kórermender nazaryna keń dıapazondaǵy 72 óner týyndysy usynyldy. Toqtalatyn jáıt, soǵystaǵy soldattar Otanyn jaýdan qasyq qany qalǵansha qorǵaı júrip, ózderi arasynda sýret saldy, kúndelikter jazdy, tasqa basyp ómirbaıandaryn qaldyrdy. Bul keıingi urpaqqa mura.

Kórmege Vasılıı Tımofeevtiń «Reıhstagqa tý tikken batyr Raqymjan Qoshqarbaev», «Marshal Konevtiń portreti» jáne RKFRO ónerine eńbek sińirgen qaıratker Ivan Penzovtyń «Keńes Odaǵynyń Batyry, general-polkovnık Rodımtsev» atty portreti, Nıkolaı Gaevtyń «Keńes Odaǵynyń Batyrlary - komsomolshylar» serııasy boıynsha «Núrken Ábdirov», Amanjol Músálimovtyń «Partızan» («Qasym») eńbekteri qoıylǵan. Músindik portretterde «Keńes Odaǵynyń Batyrlary, ushqysh N.A. Bokıı», KSRO halyq sýretshisi Lev Kerbeldiń, «Marshal Konev», Reseıdiń eńbek sińirgen sýtershileri Ivan Pershýdchev pen ıÝrıı Nerodanyń «Sibir partızany» «Álııa» jáne «Mánshúk», sol sııaqty elimizdiń ataqty sýretshileri men músinshileriniń kóptegen jumystaryn kórýge bolady.

Grafıka ónerinde de soǵystyń qoıan-qoltyq urys kezindegi sátteri men shalǵaıdaǵy partızan otrıadtarynyń erlikteri, tyldaǵy eńbekkerlerdiń janqııarlyq qımyl-áreketterine dem berip, shabyt týǵyzǵan kezeńderi ońtaıly beınelengen. Sondyqtan Murajaıda Iraklıı Toıdzeniń «Otan ana - shaqyrady!», Vasılıı Serovtyń «Bizdiń isimiz aqıqat - jeńis bizde» plakat jumystary men «Jaýdy aıaýsyz janyshtap, joıamyz!» ájýasy qoıylǵan.

Kórme búgin, 23 sáýirde ashylyp, bir aı boıy jalǵasady.