Astana Motosports kvadroshabandozdary Dýbaıdaǵy jarysty sátti bastady
ASTANA. QazAqparat - «Astana Motosports» komandasy kvadrotsıklden halyqaralyq deńgeıdegi jarysty sátti bastady, dep habarlaıdy «Astana» prezıdent klýbynyń baspasóz qyzmeti.
Komandanyń jańa tórt sportshysy - Tımýr Baıjıenov, Maksım Antımırov, Azamat Tileýlesov pen Kırıll Soloha Dubai International Baja-2017 báıgesiniń birinshi kezeńinde máre syzyǵyn kesip ótti.
Barlyq sportshylar ákimshilik komıssııaǵa jarysqa qatysýǵa jigeri jetetindigin rastap, kartalaryna mór bastyryp aldy.
91,66 shaqyrymdyq arnaıy ýchaskede Qazaqstandyq kvadroshabandozdardyń arasynan Maksım Antımırov eń úzdik kórsetkishke ıe boldy. Ol jeńimpazdan 12 mınýt 32 sekýndqa kesh kelip, tórtinshi oryn aldy. «Astana Motorsports»-tyń basqa sportshylary Baıjıenov, Soloha jáne Tileýlesov altynshy, jetinshi jáne segizinshi oryndy ıelendi. International Baja-2017-niń kelesi arnaıy ýchaskesiniń uzyndyǵy 82,24 shaqyrym.
Eske sala ketsek, «Astana» prezıdent klýby Qazaqstan Respýblıkasynyń Prezıdenti N.Á.Nazarbaevtyń bastamasymen qurylyp, halyqaralyq sport arenasynda «Astana» ulttyq brendin tanystyrýda.
