Astana Motorsports quramyndaǵy tórt kvadrotsıklshy «Dakardan» úmitti
ASTANA. QazAqparat - «Astana» Prezıdenttik klýbynyń quramyndaǵy Astana Motorsports qazaqstandyq rallı reıd komandasynyń quramyn tórt otandyq kvadrotsıklshy tolyqtyrdy.
Jańa topta el namysyn Tımýr Baıjıenov, Maksım Antımırov, Azamat Tileýlesov jáne Kırıll Soloha qorǵaıtyn bolady. Barlyǵynyń halyqaralyq tájirıbesi bar jáne daıyndyqtary jaqsy, dep habarlaıdy elorda ákimdiginiń saıty.
«Bul bizdiń otbasymyzdyń jańa músheleri. Biz kvadratsıklder klasynda kúsh synap kórmekpiz. Jańadan kelgen tórt adam jergilikti sportshylar. Bizdiń tájirıbeli pılotta Denıs pen Artýrdyń jetekshiligimen kvadratsıklder klasynda Qazaqstandy halyqaralyq arenada úlken jeńister kútip turǵanyna senimdimin», - dep málim etti «Astana» prezıdenttik klýbynyń atqarýshy dırektory Amanbek Kúlshikov.
Jańa sportshylar úshin Dubai International Baja 2017 alǵashqy synaq bolǵaly tur. Jarys 8-11 naýryz kúnderi ótedi, al sáýir aıynda kvadrotsıklshylar jankúıerler úshin asa tanymal jáne asa kúrdeli Álem kýbogynyń kezeńi Abu Dhabi Desert Challenge jarysyna jáne Katardaǵy rallı reıdke attanady.
Eske salsaq, «Astana» prezıdenttik klýbynyń quramynda Astana Pro Team kásibı velokomandasy, «Astana» fýtbol klýby, «Barys» hokkeı klýby, «Astana» basketbol klýby, Astana Motosports rallı-reıd komandasy, Astana Arlans boks klýby óner kórsetedi.
